Тариачин эмэгтэйг аварга могой залгижээ
201806/5b25205ffc7e939b2f8b4593.jpg

Индонезийн Сулавеси арлын зүүн өмнө зүгт найман метр урт аварга могойн ходоодноос тариачин эмэгтэйн цогцос олдсон байна.

Орон нутгийн оршин суугч, 54 настай Ва Тиба өнгөрөгч пүрэв гаригт өөрийн гэрээс нэг км газарт орших эрдэнэшишийн талбайгаа эргэх гэж яваад сураггүй алга болсон аж.

Түүнийг явсны маргааш өглөө гэрийнхэн нь сандралдан эрж хайж эхэлсэн бөгөөд тариалангийн талбай дээр түүний мөр, гар чийдэн, гутал нь үлдсэн байж.

Ингээд уг эмэгтэйн дүү бүсгүй нутгийн иргэдэд хандан тусламж хүссэнээр хэсэг хугацааны дараа тэд талбайн ойролцоо газарт ходоод нь цүдийсэн асар урт аварга могой олж харсан байна.

Найман метр урт могойг тэд хөнөөгөөд задлахад дотроос нь алга болсон эмэгтэйн цогцос гарч ирсэн аж.

Д.Мөрөн

Эх сурвалж: www.Zindaa.mn

Сэтгэгдэл бичих
АНХААРУУЛГА: Та сэтгэгдэл үлдээхдээ ёс бус хэллэг үл ашиглан сайтын хэрэглэгчидийг хүндэтгэн
соёлтой оролцоно уу!
Зочдын сэтгэгдэлд Zindaa.mn сайт ямар нэгэн хариуцлага хүлээхгүй болохыг анхаарна уу.
Сэтгэгдэл
Шинэ мэдээ